Олимпиадалардың қатысушылары мен жеңімпаздары алатын құжаттарға сенімділікті арттыру үшін 2021 жылдың басынан бастап ҚИО жобасында мұғалімдер олимпиадаларын өткізу кезінде прокторинг жүйесі енгізілетін болады. Олимпиаданы өткізу процесін жасанды интеллект жүйесі бақылайтын болады. Ол қатысушының жеке басын дербес  тексереді. Оның мінез-құлқын, адамның қарау бағытын бақылайды және бұзушылықтарды бейнеге  тіркейді. Прокторинг жүйесімен олимпиаданы өткен қатысушылар расталған құжаттарды алатын болады. Олардың түпнұсқалығын сайтта QR код арқылы тексеруге болады. Тексеру парағында прокторинг процесінің бейнежазбасынан алынған кадрлар және олимпиаданы өтуі туралы ақпарат орналастырылады.  

Олимпиададан өту кезінде құжаттарды верификациялау үшін қатысушы келесі ережелерді сақтауы қажет:

а) прокторингті қолдану;

б) камераның жұмыс істейтініне көз жеткізіңіз (сурет төменгі оң жақ бұрышта көрсетіледі);

в) сурет сіздің бетіңізді бұлдыр, жарық және басқа ақауларсыз беретініне көз жеткізіңіз. Тестілеу кезінде: бас киімді, күннен қорғайтын көзілдіріктерді, масканы және бет-әлпетті жасыратын киімдерді/заттарды шешіңіздер (бет-әлпет кадрда толық көрінетіндей болу керек).

г) олимпиаданы өткізу кезінде бөгде адамдар мен заттардың болмауы;

д) қатысушының беті-әлпеті әрдайым кадрда болуы керек.

Сонымен қатар, қатысушыны әкімші-проктор бақылайтын болады. Ол олимпиаданың өту барысын бақылауға, бұзушылықтарды тіркеуге, ақпараттық хабарламалар жіберуге мүмкіндік алады.

 Олимпиадаға қатысушылардың жеке басын верификациялау туралы Қазақстан Республикасының Білім және ғылым министрлігінде бірнеше рет күмән келтірілді. Бүгінгі таңда Қазақстанда мұғалімдерге арналған қашықтық олимпиадалар мен конкурстарда мұндай техникалық шешімдер қолданылмайды. Осы жаңартумен онлайн жарыстарды өткізуде ҚИО жаңа деңгейді орнатады. Оған жеке және мемлекеттік барлық ұйымдар ұмтылуы тиіс. Біз прокторингпен өткізілетін олимпиадалар ҚР Білім және ғылым министірлігі тарапынан туындаған күмәнді толығымен жояды деп үміттенеміз. Бұл аттестаттау үшін мұғалімнің портфолиосын қалыптастыру кезінде және жалпы қашықтық олимпиадалардың имиджі үшін оң әсер етуі тиіс.

Бұл жүйе ҚИО оқушылар олимпиадаларына да кезең-кезеңімен енгізілетін болады.

Прокторинг жүйесі тестіленді және браузерлердің келесі түрлерінде табысты жұмыс істейді:

- Google Chrome Версия 105.0.5195.102

- Opera Версия 90.0.4480.84

- Mozilla Версия 104.0.2

- Microsoft Edge Версия 105.0.1343.33

- Яндекс Версия 22.7.5.1027

- Atom Версия 24.0.0.15

Прокторингпен проблемалар туындаған жағдайда браузерді көрсетілген нұсқаларға (версияларға) немесе одан жоғары нұсқаларға (версияларға) жаңартыңыз.

ҚИО командасы