Құрметті мұғалімдер! Ұйымдастыру комитеті төмендегіні хабарлайды. «КИО» мен «ҚИО» бірлесіп ұйымдастырған қашықтық олимпиадалардың өтуі ел ішінде оң резонанс алғаны белгілі.

Физика және математика пәндерінен мұғалімдерге арналған олимпиада тапсырмаларын қазақ тіліне аударуда олқылықтар жіберілгендігі осындай тың бастамаға қаяу түсіргені өкініш туғызып отыр.

Жіберілген кемшіліктерді ескере отырып, ұйымдастыру комитеті күзгі демалыстарда, 2012 жылдың 08 қарашасында, математика және физика пәнінен қатысқан қазақ мектептерінің мұғалімдеріне олимпиаданы қайтадан өткізу туралы шешім қабылдады. Қателері бар тапсырмаларды орындаған мұғалімдер қайтадан өтетін олимпиадаға тегін қатысады. Олимпиада тек қазақ тілінде өткізіледі.

Тапсырмаларды 2012 ж. 08 қарашасында 11.00-ден 13.00-ке дейін алуға болады, олимпиада тапсырмаларын орындауға 60 минут уақыт беріледі.

Ұйымдастыру комитеті мұғалімдерге ана тілге деген жанашырлық көрсетіп, бей-жай қалмағаны үшін, осы олимпиадалық қозғалысты қолдағандары үшін алғыс білдіріп, алдағы уақытта жоғары деңгейдегі олимпиадалар өтетініне сенім білдіреді.

Ұйымдастыру комитеті